ஞான கிறுக்கன்

குறிஞ்சியாய் பூத்த
நான்
உன் வருகைக்குபின்
நித்திய மல்லியானேன்!

என் கரம்பற்றி
நீ சொல்லிகொடுத்த
பாடத்தையே
எல்லா தேர்வுகளிலும்
எழுதிகிறேன்!!

எனக்கு பட்டமளிக்க
மறுக்கிறார்கள்!
அவர்களுக்கு
எப்படி தெரியும்
நான் படித்தது
உன்னை மட்டுமென்று!!

விசத்தின் கசப்பிற்கு
தேனானது!
என்னை மறுதலித்த
பின்னும் நீ சிந்தும்
சிநேக புன்னகை!!

நம் கல்லூரி
உனக்கோர் வேடந்தாங்கள்!
எனக்கோ கருவறை!!

நிதமும் வழிபடுகிறேன்!
இறுதிநாளில் நாமமர்ந்த
மரத்தடி இருக்கையை!!

என்னையொரு
கிறுக்கனாய் பார்க்கிறார்கள்!
அலைபேசியில்
காதல் வளர்க்கும்
நம் இளவல்கள்!!

அவர்களுக்கு எப்படி தெரியும்!
எனக்கு ஞானம் பிறந்தது
அந்த மரத்தடியிலென்றும்!
நீயே என்
ஞானகுருவென்றும்!!

அன்றில்

சாதக பறவையானேன்!
எனை தாலாட்டும்
சங்கீதம் நீயானபோது!!

சக்கரவாகமானேன்!
என் தாகம் தீர்க்கும்
மழை நீயானபோது!

பீனிக்ஸ் பறவையானேன்!
எனக்காக நீயழுது
என் தலை கோதியபோது!!

அன்றில் பறவையாகிறேன்!
நம் காதலை நீ கொன்று
என்னை வாழ்த்தசொன்னபோது!!

வெள்ளிக் கொலுசொலி

 உன்
வெள்ளிக் கொலுசொலி
வீதியில் கேட்டால்
என் வீட்டு
சன்னலை தாழிடுகிறேன்

தெரு முனையில்
நீ எதிர்ப்படும்போது
ஒளிந்துக்கொள்ள
தேநீரகம் தேடுகிறேன்

என்
தாயுடனும் தங்கையுடனும்
நீ சிரித்து பேச
அமிலம் சுரக்கிறது
என்னுள்

ஏன் வருவதில்லை
முன்போல் ?

இயல்பாய் கேட்க்கும்
உன் பாட்டிக்கு
எப்படி சொல்வேன்?

உன்னை
முத்தமிட துணிந்து
உன் பாதணியிடம்
முத்தம் பெற்றதை.

பொறுக்கி

உடைந்த
வளையல்களையும்
உதிர்ந்த
ரோஜாக்களையும்
பொக்கிசமாய்
சேகரிக்கும்
நானும் ஒரு
பொறுக்கிதான்
உன் பார்வையில்

பாருக்குள்ளே நல்ல நாடு

 காவிரி பாலாறு
பிரிதோர் முல்லை
பாலை ஆனதடா - தம்பி
பாலை ஆனதடா!

கயல் விளையாடும்
சேற்று வயலும்
கட்டிடம் ஆனதடா! - தம்பி
கட்டிடம் ஆனதடா!!

பணக்காரன் பட்டியலில்
இந்தியனும் உண்டடா!
பரதேசி வழ்க்கைத்தானடா - தம்பி
பாமரனின் வாழ்க்கைத்தானடா!!

நோட்டுக்கு வாக்களித்தோமடா!
கையூட்டு வாங்கி
வாய்பூட்டு போட்டுக்கொண்டோமடா - தம்பி
சவப்பெட்டி செய்துக்கொண்டோமடா!!

வெற்றரிசி காலமது
வாய்கரிசி காலமடா!
கேடுகெட்ட நாட்டில் - தம்பி
கிலோஅரிசி ரூபாய்தான்டா!!

வெள்ளைக்காரன் தேவலையாட
கொள்ளைக்காரன் அதிகமடா!
சட்டமும் பட்டமும் - தம்பி
காசுக்கென்று ஆனதடா!

வீதிக்கொரு கட்சியடா
சாதிக்கொரு சங்கமடா!
நீதிமட்டும் இல்லையடா - தம்பி
நீதிமட்டும் இல்லையடா!?

வேடிக்கை மனிதரென்று
சொன்னான்டா பாரதி!
சோதனை எலி ஆனமடா - தம்பி
நாட்டு பூனைகள் நாட்டமையடா!

கல்லா நிரம்ப
மது விற்கிறோமடா!
நாளை மாதுவும் விற்போமடா - தம்பி
மாதுவும் விற்போமடா!?

ஒரு முறைதான்
கொன்றானடா கோட்சே!
நிதமும் கொள்கிறோமட - நாம்
நிதமும் கொள்கிறோமட!!







--

Karuppaiah C.

அமைதி ஒப்பந்தம்

ஒரு
அமைதி ஒப்பந்தத்தில்
முடிந்துபோனது
நம் காதல் யுத்தம்!

எப்போதும் அமரும்
குழவியகம்தான்
இன்று மட்டும்
கோப்பையின் கடைசித்துளி
கசப்பாய்!!

வழக்கம் போல்
நீயே பேசிக்கொண்டிருக்கிறாய்!
நான் மௌனமாய்
கேட்டுக்கொண்டிருக்கிறேன்!!

ஒப்பந்தத்தின்
இறுதி சரத்தாய்,
நினைவுச்சின்னங்கள்
ஒப்படைப்பு!?

புத்தக மடிப்பில்
படிமமான
ஒற்றை ரோஜா!

முதன்முதலாய்
நான் எழுதிய
ரத்த கடிதம்!

கானகத் தனிமையில்
நாமெடுத்துக்கொண்ட
ரகசிய புகைப்படம்!

எல்லாம் திரும்பதந்த நீ
எப்படி தருவாய்
பேருந்து நெரிசலில்
நான் கொடுத்த
பாதிமுத்ததினை....

என்னிடமிருந்து
பெறாத ஒன்றை
நீ கொடுத்தாய் !
உன் திருமண ஓலை.

நான் கொடுத்த ஒன்றை
எங்கோ தூக்கி
எறிந்தாய் !!
என் இதயம்.

பாலைவனச் சோலை

பாலைவனச் சோலை

காணும் தூரமெங்கும்
வெம்மை காடுகள்.


ஒளிந்துகொள்ள
பொந்து தேடும்
அரவம்.

நிழல் தேடி
தன் நிழலில் நிற்கும்
ஓணான்.
உறவுகள் எவருமில்லா
சோகத்தில் ஓலமிடும்
பறவை.

நீரற்று போனாலும்
பசுமை மாறா
கள்ளி.


கொம்பு பற்றிய
என் கரங்களில்
குருதி.

வசந்தம் வாரா
பாலைவனத்தில்
காத்திருக்கிறேன்!


என்றாவது பூக்கும்
அந்த மஞ்சள் மலர்!!

உன்னையே
ஞாபகப்படுத்துகிறாள்
சீட்டி பாவடையில்
மிட்டாய் கடிக்கும்
எதிர்வீட்டு சிறுமி

உன்னையே
ஞாபகப்படுத்துகிறாள்
இடிமன்னர்களை
லாவகமாய் தவிர்க்கும்
அந்த பேருந்து பெண்

உன்னையே
ஞாபகப்படுத்துகிறாள்
மல்லிகை நடுவே
ஒற்றை ரோஜா சூடும்
என் அலுவலக தோழி

உன்னையே
ஞாபகப்படுத்துகிறாள்
உதடு கடித்து
பின் மெல்ல நகும்
என் மனைவி

உன்னையே
ஞாபகப்படுத்துகிறாள்
தனக்கான காதல் கடிதத்தை
என்னிடம் படித்துக்காட்டும்
என் மகள்

உனக்கும் எவரேனும்
ஞாபகப்படுத்துகிறார்களா
என்னையும் எனது காதலையும்

உதிரி பூக்கள்

பசுமை விரும்பி

பட்டதை மட்டும் வெட்டும்
பசுமை விரும்பி!
சுள்ளி பொறுக்கும்
சிறுமி!!

முத்துகள்

ரோஜா
இதழ் விரித்தால்
மகரந்தம் தானே!
உனக்குள் மட்டும்
எப்படி முத்துகள்?

வீணையடி நீஎனக்கு

மீட்டும் வேளை
விரல் அறுந்தும்
வலியில்லை!
வீணையாய் நீ!!